Жидебай Кетебаев

1964 жылы «Байғанин» совхозы құрылды.Сол жылы  Байғанин сегізжылдық мектебі ашылды. Оған 154 оқушытартылып, 11 ұстаз қызмет етті. Жидебай Кетебаев 1933 жылы Қопа ауылдық кеңесінде дүниеге келген.1951 жылы Гурьев педагогикалық училищесін, 1956жылы Атырау пединститун, 1977 жылы Атырау пединститутының тарих факультетін бітірген. 1950 жылы Қопа орталау мектебіне мұғалім болып орналасады.1961 жылы «Қопа» совхозында партия ұйымының хатшысы болған. 1964-66 жылдар аралығында Байғанин сегізжылдық мектебінің директоры қызметін атқарады.

Бұдан кейінгі жылдарда әртүрлі қызметтер атқарып, 1987 жылы зейнетке шығады. 2000 жылы қайтыс болған. 1970 жылы «Еңбектегі ерлігі» үшін  медальмен марапатталған.

Сәбит  Мұсипұлы  Баймолдин

(1942 – 2000 ж. ж.)  Белгілі  ақын, Қазақстан  Жазушылар  Одағының  мүшесі. Байғанин  ауданы,  Қарабұлақ  ауылында дүниеге  келген.  1964  жылы  Қазақ Мемлекеттік  Университетінің  филология факультетін,  кейін  Қазақ  ҚСР  Ғылым Академиясы  М. Әуезов  атындағы  әдебиет және  өнер  институтының  аспирантурасынбітірген.  Байғанин  орта  мектебінде  мұғалім,

оқу  ісінің  меңгерушісі,  директорлық қызметте болды  Республикалық  «Қазақстанмұғалімі»  газетінің  Батыс  облыстар бойынш меншікті  тілшісі,  Батыс  Қазақстан  темір  жол  басқармасының            «Стальная  магистраль – Болат  жол»  газеті  редакторының  орынбасары,  Ақтөбе  облыстық  кітапқұмар  қоғамы  басқармасының  жауапты  хатшысы,            «Егемен  Қазақстан»  газетінің  бөлім  редакторы  қызметтерін  атқарған.

Алғашқы  өлеңдер  жинағы  «Жер - мекен»  1996 жылы  «Жазушы»  баспасында  жарық  көрді.  «Қырда  туған»  (1967),  «Монолог»  (1969),  «Қызыл  іңір»  (1971),  «Сағыныш»  (1976),  «Алтын  гүл»  (1978),  «Сенемін  саған»  (1980),  «Іңкәр  күндер»  (1982),  «Армия  семьясы»  (1982),  «Бесік  жыры»  (1985),  «Тал  кеме»  (1988)  т.б  өлеңдер  жарық  көрді.

Тәшен Қарағозин                                          

1930 жылы Шұбарқұдық ауылдық кеңесіне қарасты Көкбұлақ ауылында туған. 1948 ж. Ақтөбе педучилищесін бітіріп, ауданымыздағы Қаражар орталау мектебіне оқытушы болады. Одан кейін Оңтүстік Қазақстан облысының, Сайрам ауданы  Черноводок орыс-қазақ орталау мектебінде оқытушы болды. 1952-1955 жыдары Шымкент пединститутына оқуға түсіп, Көкбұлақ орталау мектебінде оқытушылық қызметін жалғастырады.       1964 жылы Байғанин сегізжылдық мектебіне ауысады. Әуелі қатардағы мұғалім болып, 1967-69 жылдары оның директоры қызметін атқарады. Кейін мектепте алғашқы әскери дайындық пәнінен сабақ береді. 1990 жылы зейнеткерлікке шықты.

"Қазақ КСР-і оқу ісінің үздігі", "ССРО Азаматтық қорғаныс ісінің үздігі" атақтарына ие болды.

Рабаев Мақсұт

Қазіргі Байғанин ауданы, бұрынғы Табын ауданыны

Қаражар ауылында 1932-33 жылдары дүниеге келген. Сол ауылдағы орталау мектепті бітіргеннен кейін Жарқамыс орта мектебінде оқыған. Кейін Гурьев педагогикалы институтының математика факультетіне түсіп, жоғары білім алады. Бір-екі жыл осы облыстың бір ауданында мұғалім болған. 1956-58 оқу жылдарында Қаражар орта мектебінде мұғалім болады. 1959-61 оқу жылдарында  Сам орталау мектебінде мамандығы бойынша сабақ береді. Сам өңірі Гурьев облысы  Маңғыстау ауданына берілуіне байланысты Байғанин аудандық оқу бөліміне ауысып,  инспектор болып орналасады. 1969-72 оқы жылдары Байғанин орталау мектебінің директоры болды.

Омар Ықыласов

1932 жылы Сарытоғай елді мекенінде туған. 1948 жылы Жарқамыс орта мектебін бітіріп, Ақтөбе педагогикалық училищесіне түседі. Кейін Орал қаласындағы А.С.Пушкин атындағы педагогикалық институттың география факультетін бітіріп  шығады. Үшінші бесжылдық, Қызыл ту бастауыш мектептерінде және Көкбұлақ орталау мектебінде қызмет етеді. 1958 жылы Сам орталау мектебіне директор болады. 1961 жылы Қопа орталау мектебінің директоры болып қызмет атқарады. 1972 жылдан-1992жылы зейнет демалысына шыққанға дейін Байғанин орта мектебінің директоры болады. Сол жылдары жас жеткіншектерді еңбекке баулу, оларға кәсіби бағдар беру тәжірибесі кең қанат жайды. Шұбартаулықтардың бастамасына үн қосып, 1974 жылғы мектеп түлектері «Ұшқын» қой өсіруші жастар бригадаларын құрып, еңбекке араласты. Ұшқындықтар елеулі табыстарға ие болып, Қазақстан комсомолы Орталық комитетінің Қызыл туын жеңіп алды. Мектеп түлектерінен «Арай» құрылысшылар бригадасы жасақталды. Мектеп педагогикалық ұжымының іскерлігін, міндетті қызметіне деген жауапкершілігі оның түлектерінің еңбектегі табыстары айқындап берді.

О.Ықыласов 43 жыл бойы шәкірт дайындаған, 34 жыл ұжымдарға жетекшілік еткен білім беру ісінің ұйымдастырушысы.

«Қазақ КСР-і халық ағарту ісінің үздігі» атанды. Облыстық партия комитеті, Облыстық кеңес атқару комитеті және білім саласы басшылығы тарапынан марапатталып, әлденеше рет ауылдық кеңестің депутаты болып сайланды.    

Нұрбаулы  Есқазиев

1936  жылы  Байғанин  ауданы,  Ебейті ауылында  туған. 1952 – 1953  жылдары Жарқамыс  орта  мектебін, 1959  жылы Гурьев  педагогикалық  институтын бітіріп, математика  пәнінің  мұғалімі  мамандығын алған.  Шалқар,  Гурьев облысының  Сағыз  ауылындағы теміржол мектептерінде мұғалім болған.1962  жылы  мектеп  директорының орынбасары  болып   жұмыс  істеген.

Жас  мұғалімдерге  қамқорлық  жасау,  методикалық  шеберлігін  арттыру,  ата – аналармен  жұмыс,  оқушыларды  қоғамдық  жұмыстарға  тарту,  мектепті  басқару  істеріне  ерекше  назар  аударды.

    «Қазақстан  мектебі»  журналына  «Озат  тәжірибе  мектебінің  жұмысы», «Мектепті  басқару»,  «Методика»  деген  мақалалары  жарық  көрді.

Шәкірттері  республика  көлемінде  әр  түрлі  мамандықта  абыройлы  еңбек  етіп  келеді.  Солардың  бірі  Жаманқұлов  Сержан  Боранқұлұлы  Ақтөбе  қаласының  әкімі,  облыстың  партия  комитетінің  транспорт  бөлімін  басқарады.  Құлжанов  Юнис  Қазақстан  теміржолы  Гурьев  бөлімінің  бсатығы,  Вагон  депосының  директоры,  Аққалиев  Атырау  теміржол  байланыс  бөлімінің  бастығы,  Жүсіпов  Нұрлан  Тенгизде  құрлыс  басқармасының  бастығы.

1989  жылы  Байғанин  совхозының  партия  комитетінің  хатшысы  болып  жұмыс  істеді.

1992 – 1994  жылдары  аралығында  Байғанин  орта  мектебінің  директоры.  1994  жылы  зейнет  демалысына  шықты.  Көп  бала  тәрбиелеген  жанұяның  басшысы.

Есболсын  Теміралин

1953  жылы  Қарауылкелдіде  туған.  1960 жылы  Қазақстан  бөлімшесіндегі  Абай атындағы  дара  бастауыш  мектепте  оқуға барады.  1965 – 1970  жылдары Комсомолдың 30  жылдығы  атындағыорта  мектепте  оқыған. 1974  жылыАқтөбе  педагогикалық институтыныңфизика - математика  пәнінің мұғалімі  мамандығы  бойынша  оқып бітірген.1974  жылы  қыркүйек  айынан бастап Байғанин  орта  мектебіне қызметке  орналасты.

1974 – 1977  жылдары  бастауыш  сыныптарға  сабақ  берді.  1977  жылы  физика  пәнінің  мұғалімі  және  интернат меңгерушісі  қызметтерін  қатар  атқарды.  1984 – 1985  жылдары  еңбек  пәндерінің  жетекшісі  болды.  1986 – 1987  оқу  жылынан  бастап  1997  оқу  жылына  дейін  Байғанин  орта  мектебінің  директоры  қызмет  етті.

2001 – 2002  оқу  жылынан  бастап  Қарауылкелді  округіне  қарасты  Қосарал  елді  мекендегі  негізгі  мектепте  директор  болып  қызмет  жасайды.

Аудандық  білім  бөлімінің,  облыстық  білім  басқармасының,  облыстық  маслихаттың  мадақтау  қағаздарымен  мадақталды.

Ибрагим  Ермекбаев

1946  жылы  Ебейті  ауылында  туған. Гурьев  педагогикалық  институтын  және  Темір  ауылшаруашылығы  техникумын бітірген.  1967 – 1968  жылдары  Совет  Армиясы  қатарында  болды.  Байғанин  ауданының  Сағыз  орта  мектебінде  мұғалім, директордың  орынбасары, директоры, Байғанин  аудандық комсомол  комитетінің хатшысы, совхоздың  директоры  болды. 1997-2010жылдары  Байғанин  орта  мектебінің  директоры болды.

И. Ермекбаев  әдебиет,  тарих  салалары  бойынша  ғылыми -  зерттеу  жұмыстарымен  шұғылданды.  Сырым  Датов  туралы  құнды  деректерге  толы  мақалалары  Батыс  Қазақстан  облыстық  «Орал  өңірі»  газетінде  жарияланды. «Ақтөбе»  газетінде  Көшербай  ахун  туралы  көлемді  мақаласы  жарық  көрді.  Көптеген  орыс  және  шетел  жазушылары  шығармаларын  тәржімалады.   «Шәріп  торы»  хикаясы  баспадан  кітап  болып  шықты.  Ескі  аңыз,  шежірелерді,  тарихи  оқиғаларды,  деректі  оқиғаларды  жинастырып  жүреді.  Солардың  негізінде  көркем  шығарма  жазды.

(«Тәжімұрат»  повесі  2003 ж).  2010жылдан бері зейнеткер. Қазіргі таңда аудандық ардагерлер кеңесінің төрағасы.

1982  жылы  12  маусымда  Ақтөбе  Облысы  Байғанин  ауданы  Ебейті  ауылында  дүниеге  келген.1999  жылы Ақтөбе  қаласындағы М. Құсайынов атындағы  дарынды  балаларға  арналған мектеп  интернатты жалпы  орта білім  бойынша  бітіріп  шықты. 1999 – 2005  жылдары  Ақтөбе Қ.Жұбанов  атындағы  педагогикалықинститутты  физика - информатика  пәнінің  мұғалімі  мамандығы  бойынша  бітіріп,  Байғанин  ауданы  Жарлы  ауылындағы  Байғанин  орта  мектебіне   физика - информатика  пәнінің  мұғалімі  болып  жұмысқа  қабылданды.

2006 – 2010  жылдар  аралығында  мектеп  директорының  оқу - тәрбие  ісі  бойынша  орынбасары  болып  қызмет  етті.  2010  жылдың  тамызында  Байғанин  орта  мектебіне  мектеп  директоры  қызметіне  тағайындалды.

2012  жылдың  15  қаңтарында  №6  Жарлы  сайлау  округі  бойынша  аудандық  мәслихат  депутаты  болып  сайланды,  Нұр  Отан  ХДП – мүшесі.

Басқарып  отырған  мектебінің  жетістігі  бойынша  2012  жылдың  тамызында  облыс  әкімінің  «Алғыс  хатымен»  марапатталды.